بسم الله الفتاح
لما يبقى ربنا فاتحها فى وشك والعملية تمااااااااااااااااااام ..
والحالة النفسية فل الفل ومية مية..
وخلاص بقى قولت الدنيا ضحكتلك وقررت انك ..
استغفر الله العظيم هتذاكر..
مش علشان حاجة يعنى..
بس اهوه نوع من ارضاء الضمير خصوصا لو كان فاضل يوم ونص على الامتحان..
طبعا الجيش قبل ما بيخرج للمعركة لازم يجهز كل حااااااااااااااجة..
اسلحة ... مؤن ..... ذخيرة...
ومتنساش الماية والله..
خلاص يا باشا كله تمام..
المكتب متظبط..
شربت شايك..
اجندتك قدامك...
حاجة كدا بيقولوا عليها كتاب ..قدامك..
ورق الكورس.. يالا ان شالله ما عن حد حوش..
كشكول السكاشن..
ورق مصورة مرتين لامتحانات السنين اللى فاتت..
مصور السكاشن كمان مرة ..." مش عارف ليه "
اقلااااااااااامك..
الااله الحاسبة " ال يعنى الواحد هيحل قوى "
كله الحمد لله تماااااااااااااااااااااااااااام..
نستعن بالله بقى وهنبدأ..
طبعا الخط بتاع الكتاب مقولكش... حاجة كدا عاوزه عدسااااااااااااااااااات..
بس ما علينا خليك متفائل..
مازلنا نحاااااااااااااااااااااول..
مفيش فايدة..اممممممممممممممممممم.
طب نطفى الاغانى ونشغل قرآآن..
اممممممممممممممممممممم ..
يبقى الوضع كما هو عليه....
امممممممممممممممممممممممممممممم..
طب ناخد ريست ونشترى حاجة حلوة...
برده مفيش فايدة.....
اصحابك واقرب الناس حواليك وبيشجعوك..
وبرده مفيش فايدة...
حاسس ان انت .........................
" حط اللقب اللى تحبه "
جواك اصرار انك عاوز تذاكر...
بتغير فى كل الخطط والوسااااااااائل..
وبرضه الماااااادة "....." ممنوع الفاظ وحشة..
طب يا ترى ايه الحل ؟؟؟؟؟؟؟؟؟؟؟؟؟؟.
azayem
هناك 6 تعليقات:
ههههههههه
كأنك بتتكلم بلساني
بفضل طول اليوم عمال آكل في حاجات حلوة
والمذاكرة مش راضية تيجي
يلا خير
حصل خير
محدش عارف الخير فين
الحل فى منتهى البساطه :)
بلاش تستعد الاستعداد الرهيب دا وتحسس نفسك ان الموضوع كبير (مش حرب)
عود نفسك تزاكر فى اى وقت وفى اى مكان وفى اى ظروف وبلاش تعمل رابط نفسى بين المزاكره وبين الحاجات الكتير اللى انت قولت عليها
والاجمل بئى من كل اللى انا قولته ده انك تنوى قبل ما تزاكر ان كل حاجه بتعملها لوجه الله ربنا يجازيك ثوابها ويعينك على قضاءها
مع تمنياتى بالنجاح والتفوق الدائم
ماهو انا قولت انت مافيش فايدة فيك
أدي اخرة اللي يذاكروا يابني دا حتى
study = no fail
no study = fail
بالجمع
study + no study = fail + no fail
خد study و fail مشترك من المعاردلتين
study (no+1) = fail (no + 1 )
اقسم على no + 1
يطلعلك في الاخر
study = fail
شوفت بقى انت كنت عايز تعمل ايه في نفسك
اتق الله وتوب الى الله
محدش عارف الخير فين
ملحوظة هامة :- هوا امتحان المحركات امتى يا عزايم ؟؟؟؟؟؟؟؟
امتحان المحركات يوم الاحد ان شاء الله يا اسلام
من طلب العلا سهر الليالى !!!!
وشديت اللحاف وقلت انا مالى
وبعدين انا مش عارفة احنا ليه بنطبق قانون المجانين
يعنى كل مرة بنذاكر بنفس الطريقة وفى الاخر بنستنا نتيجة احسن من المرة اللى فاتت
طبعا هيطلعلى واحد فكيك يقوللى يعنى نغير الطريقة ازاى؟يعنى مثلا نربع بدل مانحط رجل على رجل واحنا بنذاكر ولا نمسك الكتاب بالمشقلب؟
آه مانا عرفاهة الناس ديه
لكن على ميييييين
انا شديت اللحاف خلاص
يعنى يبقى يقابلنى فى الشمش .....يووه
قصدى فى الحلم
تصبحوا على خخخير بقى
خخخخخخخخخخخخخخخخخخ!!!!!!!!!
من طلب العلا سهر الليالى !!!!
وشديت اللحاف وقلت انا مالى
وبعدين انا مش عارفة احنا ليه بنطبق قانون المجانين
يعنى كل مرة بنذاكر بنفس الطريقة وفى الاخر بنستنا نتيجة احسن من المرة اللى فاتت
طبعا هيطلعلى واحد فكيك يقوللى يعنى نغير الطريقة ازاى؟يعنى مثلا نربع بدل مانحط رجل على رجل واحنا بنذاكر ولا نمسك الكتاب بالمشقلب؟
آه مانا عرفاهة الناس ديه
لكن على ميييييين
انا شديت اللحاف خلاص
يعنى يبقى يقابلنى فى الشمش .....يووه
قصدى فى الحلم
تصبحوا على خخخير بقى
خخخخخخخخخخخخخخخخخخ!!!!!!!!!
إرسال تعليق