تعالى نبعد

يا خلي القلب... يا حبيبى ..يا حبيبى لو فى قلبك قد قلبى حب ..يا حبيبى لو بتكوى النار نهارك .. لو بتسهر قدى ليلي.. لو صحيح بتحب... كنا نحضن حبنا ونبعد بعيد.... عن عيون الدنيااااااااااااااااااااااااا عن كل العيوووووووون.. لو فى قلبك قد قلبى حب....... كنا نمشى الف ليلة وليلة .. الف ليلة وليلة.... ليل ونهاااااااااااااااااااار.... ليل ونهاااااااار... كنا نوصل نجمة ملهاش اى جار... ولا نسكن لؤلؤة فى ابعد بحااااااااااااار ياااااااه يااااااااه ياااااااااااه يا حبيبى

فكرت تبعد بعيد ....؟!!! بسم الله الفتاح طبعا بعد الفاصل الغنائى اللى سمعتوه دا اكيد دماغكم راحت بعيييييييييييد من اجمل ما غنى حليم بس تعالوا معايا نشوف الفكرة اللى عاوزين نتكلم فيها النهارده.. حد فينا جرب قبل كدا يبعد بعيييييييييد عن الدنيا دى ؟ حد فكر انه ياخد معاه اكتر شخص بيحبه فى الدنيا ويروحوا مثلا جزيرة لا يسكنها بشر..؟ حد فكر انه يا خد احلى كتاب بيحبة ويروح مكان بعيد فااااااااااضى ويعيش احلى لحظات مع الكتاب دا..؟ حد فكر انه مرة كدا يطلع بخياله رحلة لغاية الجنة ويرجع تانى ؟ هل فى مرة كنت زهقاااااااااااان قوى وتعبااااااااان قوى ... وقررت فاجاة انك هتمشى من الدنيا دى.. حالا هتعمل اقتلاع لنفسك من المكان والزماااااااان وتساااااااااااااااااافر بعيييييييييييييد زى ما كان بيقول حليم انا النهارده عاوز اتكلم عن قدرتك على الفصل.. ازاى تقدر تفصل بين كل ما يحيط بك من متااااااااعب الدنيا وتبدو انسانا بدون مشاااااااااكل تعيش مرتاااح الباااااااااااااال جميل ان الانسان يكون سعيد ومبسوط.. بس الاجمل انه ازاى يكون سعيد ومبسوط.. يعنى مثلا لو بصينا نلاقى ان فكرة الفصل دى لها كذا شكل وكذا طريقة منها مثلا اعرف واحد بيطفى النور وبيشغل حاجة بيحب يسمعها ويعييييييييييييييييييش بعدها بيتحول تماااماااا من الحالة اللى هو فيها لافضل حالاته اعرف واحد تانى بيجرى على السرير يناااااام بمجرد ما يصحى ولا اكن فى حاجة حصلت فى الدنيا اعرف واحد كمان اول لما تحصله حاجة يجرى على اصحابة بمجرد انه يحس انه معاهم كل حاجة فى الدنيا تهون اعرف كمان واحد بيجرى على حضن مامته بمجرد انه يحس بالحنان بتعاها كل هموم الدنيا بتروح وسريعا يرجع تانى انا مش بقول انه كل المشاكل هتتحل فى ثانية بس اساسا علشان نقدر نحل المشاكل لازم نخرج من الحالة النفسية اللى سببتها المشكلة بسرعه مهمتك دلوقتى تدور على السفينة اللى هتاخدك وتروح بيك بعييييييييييد وترجعك بسرعه

Best Friends

عندما يقلل التعبير بالكلمات من مقدار ما تحتوية المعانى..

عندما يعجز قلبك عن تحمل الفرحة..

عندما تنسى كل شئ..

واى شئ..

ضاااااااااااااااااااعت الالام..

ضااااااااااااااااااااااااااعت الازمااااااااات..

اقسم لك لا يحدث هذا الا اذا كنت تمتلك اصدقاء..

انا امتلك اصدقاااااااااااااااء ..

انا امتلك كنز من كنوز الدنيااااااااا..

اسأل الله ان يجمعنا فى فردوس الجنة سويا..

..............................................................

قالوا لنا تعليق التمائم كفر...

وكنت بطبعى اجيد الحفر..

فدفنت تمائم ايامى..

ودفنت تمائم ارقامى..

فدفنت الصفر..

ثم بقيت وااااااااحده..

لا فى عنقى..

لا فى جيبي..

بل فى قلبي..

بقيت واحدة ..

هى انتم..

يا اصدقائى..

احبكم فى الله..

مسابقة اصحاب المكانة

بسم الله الفتاح بص يا سيدى المسابقة سهلة جدا .. هتجيب ورقة وقلم.. وتتفرج على الصور الموجوده فى الموضوع.. وعليك ان تكتب اسم كل صورة تشوفها ومعلومة بسيطة عنه.. بيشتغل ايه مثلا.. تمام .. وفى الاخر احسب لنفسك نسبة مؤية.. يالا بينا

صاحب صاحبة

يا ترى مين هياخد اللقب ؟؟؟ يا هلا بالورقة والقلم . والله من زمان ماتقابلناش , بس اكيد انتم عاذرينى علشان عارفين ان الكتابة دى لازم تيجى باحساس متدفق مش مجرد فكرة للكتابة وبس..... المهم النهارده هفتح معاكم موضوع حلو جدا وجدلى جدا وفى الاخر نحط السؤال اللى انا مش لاقيلة اجابة0 هتكلم النهارده عن صاحبك او بمعنى اخر صديقك .. او بالمعنى اللى انا اعرفه انت نفسك بس فى شكل تانى هى دى المرحلة اللى لما بوصلها على طوووووووول ادى اللقب " صديق" لهذا الشخص لانه يصبح انا وانا اصبح هو. وتحت هذا الارتباط الوثيق بتترتب حاجات كتير جدا قد تصل احيانا الى التنازل عن فكرة اراها صحيحة ولكن يرى صديقى " اللى يستحق اللقب" ان مصلحتى فى انى اغير الفكرة دى " خلى بالكم فكرة مش مبدأ او قيمة " وبما انى اعلم تمام العلم واثق كل الثقه ان اقصى مبلغه هو ان اكون سعيدا " استحق ياخد اللقب" لذا يتم ازاحة التفكير بعيدا وازاحة اقتناعى التام ابعد مع ان هذا اصعب شئ ممكن يحدث معى ان اترك شيئا مقتنعا به ولكن الامر يختلف اذا جاءت من صديق... ويا سلام بقى لما تكتشف بعد كدا ان صاحبك دا كان صح ياااااااااااااااااه قمة السعادة بتملى قلبك وتحس فعلا انك مش عايش لوحدك فى الدنيا بتحس فعلا ان شخص بيدفعك للامام ولكن توقفه عن دفعك ليس تخلى عنك ولكن خوفا عليك من الوقوع.... خد الصدمة بقى فى الحالة التانية واعرف ان صديقك دا اساسا مكنش مقتنع بكلامه دا............... " مره كنا رايحين نعزى فى جد واحد صاحبنا والوقت كان متاخر جدا واليوم كان مرهق جدا جدا ولكن كان لازم نقعد علشان نحضر الدفنه ونعمل الواجب . واحد زميلنا قال يا جماعه دا جده من بعيد يعنى الحوار مش مهم قوى واحنا مرهقين جدا ومزنوقين فى الوقت رد عليه صاحبنا التانى وقاله لاااااا بس لازم نعمل الواجب المهم رحنا وكما توقع صاحبنا الاولانى ان الموضوع مش مهم ...لدرجة ان زميلنا اللى احنا رايحين علشانه.... مجاش ولا نزل من بيتهم... " اعنى بها اشياء كثيرة.... الحدق يفهم " نرجع لموضوعنا خلينى اسال سؤال..... هو الصح فعلا انك تعامل الناس زى ما هم عاوزين او زى ما هما بيعاملوك ولا تعاملهم على قدر مكانتهم عندك ؟ قالتلى مرة اخت من اخواتى الغالين- ربنا يخليهملى يا رب ويخلينى ليهم-.... انه مينفعش حد يكون بالنسبة ليا كل حاجة فى حياتى وانا عنده مجرد اختيار ... تفتكروا الصح فين ؟؟؟؟؟ محدش عارف ... بس خلونى احكيلكم عن اللى انا استنتجته... اللى بيعمل كل دا وبيعامل الناس زى ما هما عاوزين وليس على قدر مكانتهم لديه دا بيريحهم قوى قووووووى...... والعكس بيسبب مشاكل كتير لانك بتبدأ تحاسب الشخص اللى قدامك على حسب وضعه بالنسبالك وهو كمان بيعمل نفس الحكاية بيحاسبك على حسب وضعك بالنسباله ردت عليا اختى وقالتلى ان العلاقة الاجتماعية تكون فى افضل حالاتها اذا كان هناك توازن فيها تفتكروا ان دا معناه ان علشان علاقة اجتماعية تنجح لازم افصلها زى ما صاحبها يكون عاوز ولا افصلها على معايير العلاقة دى عندى ؟؟؟؟؟؟؟ لعلمكم بقى انا شبة مقتنع بالكلام دا ولكن ما تعودت عليه مع طبيعية شخصيتى " كلكم عارفينى طبعا " بلاقى إن الطريقة دى صعب إني أنفذها من الآخر كدا بكون في مود مش بتاعي خالص وبالتالى بحس انى متضايق........... ما علينا : زي ما قلت ستظل الاستفهامات موجودة تبحث عن معنى الصداقة وتتساءل عن وجود الثقه.... azayem